ბათუმში დაკავებული აქტივისტების ახლობლები ქუთაისის საქალაქო სასამართლოს მიმართულებით საპროტესტო მსვლელობას მართავენ. ისინი აქტივისტების გათავისუფლებას მოითხოვენ. მანამდე დაკავებულთა ოჯახის წევრები იმერეთის სამხარეო პოლიციასთან იყვნენ შეკრებილები, სადაც, მათი პროტესტის გამო, სიტუაცია დაიძაბა. პოლიციის უფროსი პროპორციული ძალის გამოყენებით დაემუქრა იქ შეკრებილებს, თუ გზას არ გაათავისუფლებდნენ:

"სასამართლოში მივდივართ, სადაც გადაიყვანეს უკანონოდ დაკავებული ბიჭები და ვაპირებთ გამოვხატოთ, ჩვენი პროტესტი, თუ სასამართლო არ მიიღებს ისეთ გადაწყვეტილებას რასაც იმსახურებენ პატიმრები, აქციები აუცილებლად გაგრძელდება", - განაცხადა აქციის ერთ-ერთმა მონაწილემ.

შეგახსენებთ, ბათუმში პოლიციამ 6 აქტივისტი დააკავა, რომლებიც ნამახვანჰესის საწინააღმდეგო აქციაში იღებდნენ მონაწილეობას.