ადგილების ცვლილება და მარჯვნიდან მარცხნივ გადმოჯდომა საკმარისი არ არის, რომ ამომრჩეველმა ოპოზიციონერად აღგიქვას - საჭიროა, ეს საკუთარი გამოსვლების სიმწვავითა და კრიტიკით დაამტკიცო, - ასე აფასებს პარლამენტის ოპოზიციონერი ვიცე-სპიკერი ლევან იოსელიანი უმრავლესობიდან გიორგი გახარიას გუნდში გადასულ კოლეგებს.

მისი თქმით, მათ ამის გაკეთება მოუწევთ, ხოლო თუ არ გააკეთებენ, სხვაობა ნამდვილად არ იქნება.

"დღეს საინტერესო სტატუსი ვნახე - როგორი დრო დადგა, “ქართული ოცნება” თავის ყოფილ წევრებს ეხვეწება, პარლამენტიდან გადით და "ნაციონალებს" ეხვეწება, შემოდითო. ასეთი კომიკური სიტუაციაა. მათ მანდატები “ქართული ოცნების” ხარჯზე აქვთ მიღებული, მგონი, ეს არც სადაოა და ამას არც უარყოფებენ", - განაცხადა ლევან იოსელიანმა.