ეს იყო უაღრესად საინტერესო ეთერი, ასე ეხმაურება კულტურის მინისტრი თეა წულუკიანი ექს-პრემიერ გიორგი გახარიას თანაგუნდელების „ტვ პირველზე“ ინგა გრიგოლიას გადაცემაში სტუმრობას.

წულუკიანის თქმით, გახარიას თანაგუნდელები „ყველაზე მთავარს” მიხვდნენ, რომ ჟურნალისტს ინგა გრიგოლიას ირმა არ ჰქვია.

„მე ვფიქრობ, რომ ეს იყო უაღრესად საინტერესო ეთერი. მე ვუსმინე მათ და კმაყოფილებით აღვნიშნავ, რომ ისინი მიხვდნენ ყველაზე მთავარს, რაც კი არის დღეს იმისთვის, რომ პოლიტიკაში კარგი სტარტი გქონდეს მაგალითად იმას, რომ გრიგოლიას ირმა კი არა ინგა ჰქვია”, – განაცხადა წულუკიანმა.