ბათუმში დაკავებული ძმების თამაზ და თორნიკე ჭელიძეების მამა პოლიციას სასტიკ მოპყრობასა და ძალადობაში ამხელს.

ძალადობაზე საუბრობს შეზღუდული შესაძლებლობის მქონე ჯემალ წულუკიძეც და აცხადებს, რომ პოლიციამ მასზეც ფიზიკურად იძალადა, მობილური ტელეფონი წაართვა და საათნახევრის განმავლობაში შუბლზე იარაღმიბჯენილი ჰყავდა.

აქტივისტები, რომლებიც გუშინ პოლიციამ დააკავა, ახლა იმერეთის სამხარეო პოლიციის წინასწარი დაკავების იზოლატორში არიან გადაყვანილები. ისინი ცოტა ხნის წინ ადვოკატმა მოინახულა.

დაკავებული აქტივისტების ახლობლები პოლიტიკური დევნის ფაქტებზე საუბრობენ. ისინი აცხადებენ, რომ ნამახვანჰესის საწინააღმდეგო აქციაში მონაწილეობის გამო პროვოკაციული ქმედების მსხვერპლნი გახდნენ. პოლიციამ ექვსი აქტივისტი დააკავა.