საქართველოს პრეზიდენტი, სალომე ზურაბიშვილი, დედაენის დღესათან დაკავშირებით ვიდეო მიმართვას ავრცელებს და ამბობს, რომ "სრულყოფილ ინტეგრაციას სახელმწიფო ენის სრულყოფილად ცოდნაც სჭირდება" , რაზეც მისივე თქმით, ერთად უნდა ვიმუშაოთ.

"ჩვენ ეთნიკურ უმცირესობებს ისეთი პირობები შევუქმენით საკუთარი წარმოშობის ენისა და კულტურის შესანარჩუნებლად, რომ მეორე უკიდურესობაში გადავედით და ამით ჩვენვე ვქმნით პრობლემას მათი სრულყოფილი ინტეგრაციის გზაზე, რამეთუ სრულყოფილ ინტეგრაციას სახელმწიფო ენის სრულყოფილად ცოდნაც სჭირდება. ამაზე ერთად კიდევ უნდა ვიმუშაოთ" , - ამბობს პრეზიდენტი ვიდეომიმართვაში.