"მოქალაქეების" ლიდერის ლევან იოსელიანის განცხადებით, ნიკა მელიას ციხეში ყოფნა მოლაპარაკებების პროცესს ხელს შეუშლის. იოსელიანმა ხლისუფლებას მოუწოდა, კარგად გაიაზროს აღნიშნული გარემოებები, რათა მოლაპარაკება შედგეს:

„სამწუხაროდ, ეს მოლაპარაკების პროცესს ხელს არ უწყობს, უფრო მეტიც, კიდევ უფრო ართულებს ამ ამბავს. მე ვთვლი, რომ ნიკა მელიას ციხეში ყოფნით მოლაპარაკების გაგრძელება იქნება კიდევ უფრო რთული, ვიდრე იქნებოდა მისი გარეთ ყოფნის შემთხვევაში. ამიტომ, კიდევ ერთხელ მოვუწოდებ ხელისუფლებას, რომ გაიაზროს ეს ამბავი და მოლაპარაკებით დაასრულოს საბოლოო ჯამში, მითუმეტეს, ისინი ამბობენ, რომ ხელს აწერენ იმ დოკუმენტს, რომელიც დანიელსონმა შესთავაზა ორივე მხარეს. ამ დოკუმენტზე ხელმოწერა ნიშნავს მათ შორის იმას, რომ მელია არ უნდა იჯდეს საპყრობილეში,"- განაცხადა იოსელიანმა.