"ადამიანები მანქანებს მიახეთქეს, კინაღამ ცეცხლში ჩაცივდა ხალხი...“ - სპეცრაზმი გუმათში, რიონის მცველებსა და პოლიციას შორის დაპირისპირება მოხდა

პოლიტიკა - 23:46, 13 Apr, 2021

1210

ცოტა ხნის წინ დაპირსპირება მოხდა სოფელ გუმათში პოლიციასა და მოსახლეობას შორის. რამდენიმე საათის წინ რიონის მცველებმა, რომლებიც ნამახვანჰესის მშენებლობას ეწინააღმდეგებიან გზა გადაკეტეს და კომპანია ENKA-ს ავტომობილებს სამშემებლო ზონისკენ არ ატარებდნენ.

პროტესტის ამ ზომას აქციის მონაწილეებმა მას შემდეგ მიმართეს, რაც დღეს დილიდან პოლიციამ მათ გადაადგილება შეუზღუდა, ტერიტორიაზე სპეცრაზმი შეიყვანა და ჯებირებით შემოღობა.

რას აცხადებენ აქციის მონაწილეები და რატომ არ ესაუბრება მათ ხელისუფლება. ადგილობრივები აცხადებენ, რომ ხელისუფლება რომელსაც საუბარი სურს და დიალოგი, ის ხელისუფლება მოსახლეობას სპეცრაზმს არუგზავნის.

რიონის მცველთა ერთერთი წევრი ვარლამ ლიპარტელიანი ამბობს, რომ დღევანდელი დღის შემდეგ ხელისუფლებას და კომპანიას ხეობაში პერსპექტივა აღარ აქვს.

„მომართულია რეპრესიული ხელი ხელისუფლების ჩვენს წინააღმდეგ, ბიჭები ხელებაწეული დახვდნენ, არ ვატრებდით ჩენ მათ ხეობაში თუმცა პოლიცია პირდაპირ დარბევაზე გადმოპვიდა. ადამიანები მიახეთქეს მანქანებს, აქ არიან ქალები, ცეხლი, რომელიც დანთებუილი გვქონდა გათბობის მიზნით, კინაღამ ხალხი ჩაცვივდა შიგ. ერთი ადამიანი, რომელიც ზედ ცეცხლზე დაეცა, მოვასწარით და წამოვაყენეთ, თორე საშინელება მოხდებოდა.

როგორც ვიცი 10 მდე პირია დაკავებული.

ჩვენ განვაცხადეთ დღეს რომ მანქანები გაივლიდნენ მაგრამ ჩვენ არ გავატარებდით ENKA-ს ავომობილებს. როგორ წარმოუდგენიათ ძალის გამოყენების შემთხვევაში, ესენი რამეს გააკეთებენ? და ვის წარმოუდგენია, რომ ამის შემდეგ აქ რამეს გააკეთებენ. მათ არ აქვთ პერსპექტივა ჩვენს ხელობაში“ - განაცხადა ვარლამ ლიპრატელიანმა.

მისივე თქმით, ხელისუფლება, რომელსაც დიალგი სურს, საკუთარ მსოახლეობას არ ასახიჩრებს და სპცერაზმს არ უგზავნის.

„ესენი არ არიან დიალოგისთვის განწყობილი ადამიანები. რეალობას ვხედავთ ჩვენ. რეპრესიებს გვიწყობს ხელისუფლება, დიალოგისმსურველი ადამინები ასე არ იქნევიან არ ასახიჩრებს საკუთარმოსახლეობას და არ აგზავნის რობოკოპებს“ - განაცხადა რიონის მცველმა.

რიონის მცველები გუმათის დასახლებასთან იმყოფებიან, სადაც ინვესტორი კომპანია „ენკას“ ტექნიკური ბაზა მდებარეობს. აქტივისტები მოითხოვენ, რომ პოლიციამ გუმათჰესთან აღმართული ბლოკპოსტი მოხსნას და მისცეს მათ გადაადგილების უფლება სოფელი ნამოხვანისკენ, სადაც თვეების განმავლობაში კარვები ჰქონდათ აღმართული.