ენმ-ს წევრმა ხატია დეკანოიძემ დღევანდელ პროცესს ფარსი უწოდა და განაცხადა, რომ ახლა მნიშვნელოვნაია, საერთაშორისო პარტნიორებმა სერიული ზეწოლა გააგრძელონ. დეკანოიძის თქმით, დღევანდელი მართლმსაჯულება ამაზრზენი და ძირგამომპალია:

„წარმოუდგენელი ფარსია, რაც ჩვენ მოვისმინეთ, იმიტომ, რომ მთელი ამ ხნის განმავლობაში „ქართული ოცნება“ და მათ შორის პროკურორებიც ამბობდნენ, რომ გირაო გადაიხადოს და შემდეგ გამოვიდეს ციხიდანო. ამის შემდეგ კი, პატიმრობაში რჩება ნიკა მელია და მოსამართლემ პროკურორის შუამდგომლობა გაითვალისწინა. ჩვეულებრივი მონური სისტემაა, ეს არის ფარსი, ამაზრზენი და ძირგამომპალი მართლმსაჯულება. ნიკა მელია არის პოლიტიკური პატიმარი და დღეს ამ პროცესით კიდევ ერთხელ დადასტურდა, თუ რამხელა სიყალბესთან და ფარსთან გვაქვს საქმე.

ახლა ძალიან მნიშვნელოვანია და აუცილებელი ის, რომ ჩვენ და ჩვენმა საერთაშორისო პარტნიორებმა სერიული ზეწოლა გააგრძელონ, რაც აუცილებლად მოხდება“ , - განაცხადა დეკანოიძემ.

შეგახსენებთ, ცოტა ხნის წინ სასამართლომ ნიკა მელია პატიმრობაში დატოვა.