"ერთიანი საქართველოს" ერთ-ერთმა ლიდერმა ანზორ ბიწაძემ მელიას პატიმრობაში დატოვება ივანიშვილის პირად გადაწყვეტილებად შეაფასა და განაცხადა, რომ ოპოზიციის ლიდერი არა პატიმარი, არამედ პოლიტიკური ტყვეა:

„ყველაზე ამაზრზენი იყო ის, რომ პროკურორები სასამართლო პროცესის მსვლელობისას პირდაპირ პოლიტიკურ განცხადებებს აკეთებდნენ. ეს იყო პირადად ბიძინა ივანიშვილის გადაწყვეტილება. ეს ადამიანი არ არის პატიმარი, ის არის პოლიტიკური ტყვე, რომელიც ტყვეობაში ჰყავთ. თუკი „ქართულ ოცნებას“ სურდა, რომ პოლიტიკური პროცესები რაიმე სახით მაინც დეესკალაციისკენ წასულიყო, რა თქმა უნდა, ის დღეს უნდა გაეთავისუფლებინათ, მაგრამ მათ ეს არ გააკეთეს“, - განაცხადა ბიწაძემ.

შეგახსენებთ, ცოტა ხნის წინ სასამართლომ ნიკა მელიას პატიმრობაში დატოვების გადაწყვეტილება მიიღო.