ნიკა მელიას ადვოკატის ბექა ბასილაიას თქმით, მოსამართლის მიერ მელიას პატიმრობაში დატოვების გადაწყვეტილება უკანონოა და მისი ციხეში დატოვების არანაირი სამართლებრივი არგუმენტი არ რჩება

არ არსებობდა არანაირი საფუძველი მოსამართლე ჩახნაშვილის მიმართ, რომ ის მიიღებდა კანონიერ გადაწყვეტილებას. ეს გადაწყვეტილებები მიიღება "ოცნების" პოლიტსაბჭოში, ივანიშვილის მიერ, ილუზია იმაზე რომ სამართლებრივი დისკუსიის შედეგად მიიღება სამართლიანი გადაწყვეტილება ამის ილუზია არ გაგვაჩნია, ბუნებრივია, ჩვენ კარგად ვიცით რომ ამ სასამართლოში პოლიტიკურ საქმეებზე გადაწყვეტილებები მიიღება აღმასრულებელი ხელისუფლების მხრიდან. მაშინ როცა პროკურატურა ამბობს, რომ გირაოს პირობებში ნიკას თავისუფლებაზე ყოფნა შესაძლებელია, ეს ნიშნავს იმას, რომ ნიკას ციხეში დატოვების არანაირი სამართლებრივი არგუმენტი არ რჩება," - განაცხადა ბასილაიამ.

შეგახსენებთ, ცოტა ხნის წინ სასამართლომ მელიას პატიმრობაში ყოფნის გადაწყვწტილება მიიღო.