უფლებადამცველ ბექა ბასილაიას თქმით, მოსამართლე იმ შემთხვევაში გაატავისუფლებს ნიკა მელიას პატიმრობიდან, თუ ამას ბიძინა ივანიშვილი გადაწყვეტს. მისი თქმით, მოსამართლე ჩახნაშვილი პოლიტიკური გადაწყვეტილებების გამხმოვანებელია:

"ეს არ არის პროცესი, ეს არის პროცესის სიმულაცია. ჩახნაშვილი არ არის მოსამართლე, ის ახმოვანებს ქართული ოცნების პოლიტიკურ გადაწყვეტილებებს.

ამ ეტაპზე, აღკვეთის ღონისძიების საკითხის გადასინჯვა მას არ წამოუჭრია. იყო დაცვის მხარის შუამდგომლობები მტკიცებულებების დართვაზე, მათ შორის კობახიძის აღიარების დართვასთან დაკავშირებით და არ დააკმაყოფილა, ეს არ გაგვკვირვებია. ვითომ კობახიძეს არც უთქვამს, რომ სასამართლო მისი ჯიბის სასამართლოა.

რაც შეეხება აღკვეთის საკითხს, ამ სასამართლოს პირობებში, რა თქმა უნდა, სამართლებრივი, ლოგიკური მოლოდინები არ არსებობს ნიკას გათავისუფლების, თუმცა თუ პოლიტიკური წნეხი იქნება და პოლიტიკურ გადაწყვეტილებას მიიღებს ბიძინა ივანიშვილი, ასეთ შემთხვევაში, რა თქმა უნდა, ნიკა გათავისუფლდება.

თუ პროცესი გადაიდება, ეს მისგან გასაკვირი არ იქნება. უფრო მეტიც, საერთოდ 17 აპრილის შემდეგაც ვადები რომ არ დაიცვას და ისე დატოვოს პატიმრობაში ესეც არ გაგვიკვირდება, საერთოდ რომც არ იმსჯელოს აღკვეთის ღონისძიების მიზანშეწონილობის, მიზანშეუწონლობის შესახებ, იმიტომ რომ ეს სასამართლო არაა რეალურად",- თქვა ბექა ბასილაიამ.