ენმ-ს თავმჯდომარემ ნიკა მელიამ სასამართლო პროცესზე მოსამართლე ნინო ჩახნასვილს მიმართა და უთხრა, რომ აუცილებელია სუს-ის ყოფილი თანამშრომლის ივანე გულაშვილის დაკითხვა, ვინც აღიარა, რომ 20 ივნისის ღამით გაკეთებული ვიდეო ჩანაწერები, რომლებიც საქმეში მნიშვნელოვანი მტკიცებულებები იყო, გააქრეს. მელიამ ასევე მოითხოვა კობახიძის დაკითხვა, რადგან მისივე აღიარებით, მმართველმა გუნდმა მოსამართლის მიერ განაჩენის გამოტანამდე ადრე იცოდა გადაწყვეტილების შესახებ:

"მადლობა ყველა გულშემატკივარს, მადლობას ვუხდი მოსამართლეს და პროკურორ გულუაშვილს, მოტივაციას მაძლევთ. სამართლის ცოდნა სულ არაა საჭირო, რომ ეს შუამდგომლობა დამიკმაყოფილოთ. როგორ შეიძლება იმ პირის დაკითხვა არ მოგინდეთ, ვინც თქვა, რომ მტკიცებულებები გააქრეს. თუ ამას არ დააკმაყოფილებთ ყველასთვის ნათელი გახდება, რას ემსახურებით.

რაც შეეხება კობახიძეს - სანამ მოსამართლევ, თქვენ აქ საუბრობდით, თურმე იმათ გადაწყვეტილება მიღებული ჰქონდა. ხომ თქვა ეს კობახიძემ, ხომ აღიარა?! თქვენ ხომ თქვენს რეპუტაციაზე უნდა იფიქროთ? ხელისუფლება შეიცველება, ცვლილებების პირას ვდგავართ, მომავალზე იფიქრეთ, რას იტყვიან 15-20 წლის მერე, ამ საქმეზე ხო დადგინდება ჭეშმარიტება. ეს ხომ ლაქად გაგყვებათ? კობახიძე მოწმის სახით რომ არ დაკითხოთ, თქვენს რეპუტაციას ხომ შებღალავს?" - მიმართა მელიამ მოსამართლეს პროცესზე.

მელიას ადვოკატები საქმეში ირაკლი კობახიძის აღნიშნული ინტერვიუს დართვას ითხოვენ და აცხადებენ, რომ ამით მტკიცებდა მოსაზრება, რომ მელიას დაკავების გადაწყვეტილება ქართულ ოცნებას წინასწარ ჰქონდა მიღებული. ადვოკატებმა მოსამართლეს შუამდგომლობით მიმართეს, დაიკითხოს კობახიძე და სუს-ის ყოფილი თანამშრომელი ივანე გულაშვილი.