"გამარჯვებული საქართველოს" ლიდერი ირაკლი ოქრუაშვილი, რომელიც მელიას მხარდამჭერებთან და პოლიტიკოსებთან ერთად საქალაქო სასამართლოს ეზოში იმყოფება, აცხადებს, რომ ოპოზიციის ლიდერის პატიმრობაში ყოფნა ყოველ დღე ძვირი უჯდება ხელისუფლებას. მისი შეფასებით, ქვეყანაში შექმნილი პოლიტიკური კრიზისის განსამუხტად აუცილებელია პოლიტპატიმრების გათავისუფლება და ვადამდელი არჩევნების დანიშნვა:

"მელიას პატიმრობა ყოველდღე უჯდება ძალიან ძვირი ხელისუფლებას" - ეს განცხადება პარტია "გამარჯვებული საქართველოს" ლიდერმა, ირაკლი ოქრუაშვილმა, ტვ პირველთან გააკეთა. ოქრუაშვილის აზრით, პოლიტიკური კრიზისის განსამუხტად ხელისუფლებამ მელია სასწრაფოდ უნდა გაათავისუფლოს.

ნიკა მელიას პატიმრობა ყოველდღე უჯდება ძალიან ძვირი ხელისუფლებას და ქვეყანას რეპუტაციულად, დასავლეთში საკმაოდ შელახული გვაქვს სახელი. ბუნებრივია, ამ კრიზისის განმუხტვის საშუალება არის პოლიტპატმრების გათავისუფლება და ვადამდელი არჩევნების დანიშვნა. რაც მალე გაათავისუფლებენ ნიკა მელიას, მით უკეთესი ქვეყნისთვის. თითქოს, მელია არ იხდის გირაოს და ამიტომ არ ათავისუფლებენ, ეს არის აბსურდი, შეუძლებელია, გირაოს გადახდით პატიმრობიდან გათავისუფლდეს. ხელისუფლებამ უნდა მონახოს სხვა იურიდიული მექანიზმი მისი გათავისუფლების მიზნით" - აცხადებს ირაკლი ოქრუაშვილი.