"ცხადია გავაგრძელებთ კონსულტაციებს. თუ იქნება რაუნდები შეხვდრის, მივიღებთ მონაწილეობას. მე მუდმივად ვესაუბრები ბრიუსელში შესაბამის ხალხს, ევროპარლამენტის წევრებს, შესაბამის წარმომადგენლებს, ასევე ვაშინგტონშიც"- ასე ეხმაურება ერთიანი ნაციონალური მოძრაობის ერთ-ერთი ლიდერი სალომე სამადაშვილი არსებულ ინფორმაციას, რომ უახლოეს დღეებში კრისტიან დენიელსონი საქართველოში დაბრუნდება.

მისივე თქმით, ამ მომენტისთვის პოზიციების გაზომვა მიმდინარეობს ღირს თუ არა ჩამოსვლა. სამადაშვილი არ გამორიცხავს, რომ ბრიუსელმა თქვას, რომ არ ღირს მედიაციის განახლება მათი მონაწილეობით, რადგან შედეგი კვლავაც არ დადგება.

სამი პუნქტი შეთანხმების პრინციპში მისაღები იყო ოპოზიციისთვის. ამ სამ პუნქტთან დაკავშირებით, რომელიც რეფორმებს შეეხებოდა ჰქონდა პრეტენზიები მმართველ გუნდს. ეს იყო სიურპრიზი მედიატორისთვის. ის რომ, ოპოზიცია პოლიტპატიმრების და ვადამდელი არჩვენების თემის გარეშე ვერ დახურავდა საკითხს არავისთვის სიურპრიზი არ იყო, მაგრამ ის, რომ „ქართულ ოცნებას“ ექნებოდა რაიმე პრობლემა, ნამდვილად გასაოცარი იყო მედიატორისთვის.

დღეს მიდის გაზომვა პოზიციების, ამის შემდეგ ჩამოყალიბდება შესაბამისად მედიატორი ღირს თუ არა პროცესის გაგრძელება. არ არის გამორიცხული თქვან, რომ არ ღირს, რადგან შედეგი არ იქნება" - აღნიშნა სამადაშვილმა.