საქართველოში აშშ-ის ელჩის კელი დეგნანის განცხადებით, აუცილებელია პოლიტიკურმა პარტიებმა შეთანხმება დროულად შეძლონ, რადგან მოსახლეობა პოლიტიკური კრიზისის გადაჭრას უკვე დიდი ხანია ელოდება:

"ძალიან მნიშვნელოვანია რომ პოლიტიკური კრიზისი გადაიჭრას, ეს მოთხოვნა აქვს საქართველოს მოსახლეობას, მოსახლეობა ელოდება, რომ სწრაფად გადაიჭრას კრიზისი და პარლამენტის არჩეულმა წევრებმა დაიწყონ მუშაობა ისეთ საკითხებზე, რა გამოწვევების წინაშეც დგას ქვეყანა. ეს არის კოვიდით გამოწვეული ეკონომიკური კრიზისი და ა.შ. ამ გამოწვევებზე უნდა იმუშაოს მთავრობამ და პარლამენტმა სრული შემადგენლობით საქართველოს საუკეთესო ინტერესების დასაცავად. მჯერა, რომ მხარეები შეძლებენ შეთანხმების მიღწევას" - განაცხადა კელი დეგნანმა.