სამოქალაქო აქტივისტებმა ზუგდიდში აქცია გამართეს. ისინი ოკუპირებულ ტერიტორიაზე მცხოვრები საქართველოს მოქალაქეებისთვის ხუთდღიანი კარანტინის მოხსნას ითხოვენ და აცხადებენ, რომ ენგური საზღვარი არ არის:

„მოვითხოვთ, ჩვენივე ტერიტორიაზე, ჩვენივე მოქალაქეებისთვის გაუქმდეს კარანტინი. თითქოს სიმბოლურია დღეს, რომ აქ ვდგავართ, ისევ ახალგაზრდები.

შეგვამჩნიონ, ჩვენ ვარსებობთ, არ შეიძლება ჩვენი მოქალაქეებისთვის დაწესდეს კარანტინი, ენგური საზღვარი არ არის. ეს არის ჩვენი ძირითადი გზავნილები", - აცხადებს აქციის ერთ - ერთი მონაწილე მაკო ჭკადუა.