აშშ-ის ელჩმა საქართველოში კელი დეგნანმა დაღუპული გმირების ხსოვნას პატივი მიაგო და 9 აპრილის მემორიალი გვირგვინით შეამკო.

დეგნანი პარლამენტის წინ კარვებში მყოფ აქტივისტებსაც გაესაუბრა, თუმცა, ჟურნალისტებთან კომენტარი არ გაუკეთებია.

9 აპრილის მემორიალთან დილიდან პოლიტიკოსებიც მიდიან და 32 წლის წინ მომხდარ ტრაგედიას იხსენებენ.

1989 წლის 9 აპრილს, გამთენიისას, საბჭოთა კავშირის შეიარაღებულმა ძალებმა პარლამენტის შენობასთან მშვიდობიანი საპროტესტო აქცია დაარბიეს, ძალადობას მსხვერპლი მოჰყვა.