"ხვალინდელი დღე არის დასაწყისი დასასრულის ამ ყველაფერის, რაც ახლა ხდება" , - აცხადებს გია გაჩეჩილაძე და ხვალ დაგეგმილი შეკრების მოტივზე საუბრობს და ამბობს, რომ ის ადამიანები მივლენ, ვისთვისაც შექმნილი ვითარება კატეგორიულად მიუღებელია.

მისივე თქმით, აპირებს ახალი მოძრაობის შექმნას და ხელისუფლებას "პოლიტიკური ნაგვის" გათრევას მოსთხოვს.

"გაიტანონ ეს პოლიტიკური ნაგავი ქართულმა ოცნებამ, რისთვისაც აირჩია ხალმა, ის გააკეთონ. 8 წელიწადია ყელში ამოვიდა მაგათი ამბავი, 5 კაცისთვის ვერ მიუხედიათ. დავიღალეთ, გაიყინა ქვეყანა, აღარ ჩანს არაფერი, მოგწონთ რაც ხდება ამ ქვეყანაში? დავიღალეთ, გესმით თქვენ? გაიტანოს ნაგავი თუ შეუძლია, მაგრამ არ შეუძლია ეტყობა 8 წლის განმავლობაში, არაფრის გაკეთება მას არ შეუძლია...

ხვალინდელი დღე არის დასაწყისი დასასრულის ამ ყველაფერის, რაც ახლა ხდება. ამ სტუდიიდან, სადაც ახლა მე ვზივარ, ვაპირებ ახალი მოძრაობის ჩამოყალიბებას საზოგადოებასთან ერთად, ინტერაქტივებით და ა.შ. რომ გავათრიოთ თუ მათ არ შეუძლიათ ეს ნაგავი საზოგადოებამ გაათრიოს ამ ქვეყნიდან, პოლიტიკურ ნაგავზე მაქვს ლაპარაკი,“ - ამბობს გია გაჩეჩილაძე "რუსთავი 2"-ის ეთერში.