სახალხო დამცველი ნინო ლომჯარიამ ენმ-ს თავმჯდომარის ნიკა მელიას სასამართლოს შესახებ გააკეთა კომენტარი და იმედი გამოთქვა, რომ პროცესი ისე დასრულდება, როგორც ქვეყნის განვითარებისთვის იქნება საჭირო. ლომჯარიას განმარტებით, პროკურატურას აქვს სამართლებრივი გზა და ბერკეტები, რომ ნიკა მელია იყოს თავისუფალი:

"პირველ რიგში, იმედი მაქვს, რომ ეს პროცესი ისე დასრულდება, როგორც ვფიქრობ, რომ მნიშვნელოვანია და საჭიროა ჩვენი ქვეყნის ნორმალური განვითარებისთვის.

მე მოლოდინი მაქვს, რომ იქნება გონივრული გადაწყვეტილება მიღებული. მისი პატიმრობისთანავე მე ვთქვი, რომ არსებობს არაერთი სამართლებრივი გზა და ეს ბერკეტები არის პროკურატურის ხელში, თუ მათ აქვთ სურვილი, რომ ნიკა მელია იყოს თავისუფალი, არ იყოს პატიმრობაში, მათ ნებისმიერ დროს შეუძლიათ ეს ბერკეტები გამოიყენონ და იმედი მაქვს რომ ხელისუფლება და პროკურატურა მიიღებს გონივრულ გადაწყვეტილებას",- განაცხადა ლომჯარიამ.