ამერიკის შეერთებული შტატების სახელმწიფო მდივნის თანაშემწის მოადგილემ, ჯორჯ კენტმა „სამხრეთ კავკასიაში განვითარებული მოვლენებისა და მომავალი ევრაზიული პოლიტიკის“ დისკუსიაზე საქართველოში არსებულ კრიზისზე ისაუბრა და განაცხადა, რომ ის ვითარება, რაც ქვეყანაშია, ორივე მხარის მიერი არის შემქნილი. კენტის თქმით, მხარეებმა პროგრესს შიდა პოლიტიკურ დრამაში მიაღწიეს:

„საქართველოში, რომელიც დიდი ხანია არის ამერიკული შეერთებული შტატების სტრატეგიული პარტნიორი კავკასიაში, ნაცვლად იმისა, რომ შეცვლილ გეოპოლიტიკურ გამოწვევებზე იყვნენ ფოკუსირებული და რომ covid-19 -ის პანდემიის შემდგომ ეკონომიკურ აღდგენაზე მუშაობდნენ, პოლიტიკოსებმა პროგრესს შიდა პოლიტიკურ დრამაში მიაღწიეს.

ჩვენ გულწრფელად ვუთხარით, ჩვენს ქართველ მეგობრებს, როგორც მთავრობაში, ისე ოპოზიციაში, რომ ახლა დროა საქართველოს პოლიტიკურმა ლიდერებმა ყურადღება გაამახვილონ იმ გამოწვევებზე, რომელთა წინაშე საქართველო, როგორც ქვეყანა დგას და ეს არის საქართველოში არსებული შიდა პოლიტიკური კრიზისი, რომელიც გულწრფელად რომ ვთქვათ, პროვოცირებული და შექმნილია, ორივე მხარის, როგორც მმართველი პარტიის, ისე ოპოზიციის ქმედებების გამო",- განაცხადა კენტმა.