ნიკა მელიას ადვოკატს დიმიტრი საძაგლიშვილს მოლოდინი არ აქვს, რომ სასამართლო ოპოზიციის ლიდერს გაათავისუფლებს. მისი განმარტებით, მოსამართლემ მელიას პროცესზე დასწრების შუამდგომლობა მხოლოდ იმიტომ დააკმაყოფილა, რომ ოპოზიციის ლიდერის მიმართ მაღალი ინტერესეი არსებობს, არა მხოლოდ საქართველოში, არამედ მის ფარგლებს გარეთაც, თუმცა, ეს ბევრს არაფერს ნიშნავს, რადგან საქმე პოლიტიზირებულია:

"რეალურად, ჩემი მოლოდინები პატიმრობასთან დაკავშირებით არ შეცვლილა იმის გამო, რომ დღეს სასამართლომ დააკმაყოფილა ჩვენი შუამდგომლობა და ნიკა მელიას მიეცემა შესაძლებლობა, რომ მომდევნო სხდომაზე მიიღოს მონაწილეობა.

პრინციპში იმის გათვალისწინებით, თუ რამხელა ინტერესი არსებობს, როგორც ქვეყნის შიგნით, ისე მის ფარგლებს გარეთ, ამ საქმესთან მიმართებაში და მოგეხსენებათ, სენატში მსჯელობენ, ევროპარლამენტში მსჯელობენ და არ დარჩენილა არც ერთი ავტორიტარული საერთაშორისო არასამთავრობო ორგანიზაცია, რომელსაც განცხადება, ან შეფასება არ ჰქონდეს ამ საქმესთან გაკეთებული, ამ პირობებში ნიკა მელიას გარეშე საქმის წარმართვა ძალიან გაუჭირდებოდა ამ სასამართლოსაც კი და ამიტომ მოუწია სასამართლოს ჩვენი მოთხოვნის დაკმაყოფილება, მაგრამ ეს არ ნიშნავს, რომ მომდევნო სხდომაზე პატიმრობასთან დაკავშირებით რამე გადაწყვეტილებას მიიღებს", - განაცხადა საძაგლიშვილმა.