ენმ-ს წევრის გია ბარამიძის განცხადებით, მელიას დაკავება პოლიტიკური ფარსია და მისი გათავისუფლებაც პოლიტიკური ნება იქნება. მისი თქმით, ნიკა მელია რეჟიმის პოლიტპატიმარია და ის სამართლიანად გახდა ამ რეჟიმის წინააღმდეგ ბრძოლის სიმბოლო:

„ნიკა მელია არ აპირებს შეეგუოს არც არჩევნების გაყალბებას, არც მასთან მიმართებით ორმაგი სტანდარტების დამკვიდრებას და მის საჯაროდ აბუჩად აგდებას, ასევე, აბუჩად აგდებას ჩვენი ამომრჩევლის, მოსახლეობის მინიმუმ 52%-ის გადაწყვეტილების და არ აპირებს შეეგუოს რეჟიმის მიერ დაწესებულ პოლიტიკურ უსამართლო მართლმსაჯულებას. ამის გამოა საპატიმროში. ის დაკავებულია პოლიტიკური მოტივით, რადგან რეჟიმს გონია, რომ ამით ნიკას ან ვინმეს დააშინებს. ნიკა სამართლიანად გახდა ამ რეჟიმის წინააღმდეგ ბრძოლის სიმბოლო.

რაც შეეხება დღეს მის გამოშვება - არგამოშვებას, როგორც მისი დაპატიმრება იყო თავიდან ბოლომდე სამარცხვინო პოლიტიკური ფარსი, დღესაც, თუ მისი გათავისუფლება გადაწყვიტეს, რაც არ მგონია, ესეც იქნება პოლიტიკური გადაწყვეტილება“, - განაცხადა ბარამიძემ.