თბილისის საქალაქო სასამართლოში ნიკა მელიას პროცესი დაიწყო. ადგილზე ოპოზიციური ლიოდერები და მხარდამჭერები არიან შეკრებილები.

თავად ნიკა მელია მოსამართლემ პროცესზე არ დაუშვა, შესაბამისად, რუსთავის მე-12 დაწესებულებიდან ენმ-ს თავმჯდომარე არ გადმოუყვანიათ. მოსამართლე ნინო ჩახნაშვილმა მელია სასამართლო პროცესებიდან გააძევა, რადგან ოპოზიციის ლიდერი მწვავე შეფასებით გამოირჩეოდა მიკერძოებული სასამართლოს მიმართ:

"ჩვენ, რა თქმა უნდა, დავაყენებთ შუამდგომლობას ახალ მტკიცებულებებთან დკავშირებით. ასევე, დავაყენებთ შუამდგომლობას, რომ ნიკა მელიას მიეცეს უფლება დაესწროს ამ საკმაოდ რეზონანსულ და მნიშვნელოვან სასამართლო სხდომას და მას, როგორც პოლიტპატიმარს ელემენტარულად უნდა ჰქონდეს შესაძლებლობა, რომ მონაწილეობა მიიღოს უშუალოდ სასამართლო განხილვაში. რაც შეეხება, აღკვეთის ღონისძებას, ჩვენ გვაქვს ცალსახა პოზიცია. ნიკა მელია იმყოფება უკანონო პოლიტიკურ პატიმრობაში და მისი გათავისუფლება ეს არის ხელისუიფლების მიერ მისაღები გადაწყვეტილება. ჩვენი პოზიციაა, რომ ყოველგვარი აღკვეთის ღონიძიება უნდა გაუქმდეს და ის გათავისუფლდეს პატიმრობიდან", - განაცხადა მელიას ადვოკატმა გიორგი კონდახაშვილმა.