ნიკა მელიას ადვოკატის გიორგი კონდახაშვილის განცხადებით, პროკურატუტა აღიარებს, რომ ენმ-ს თავმჯდომარის პატიმრობა არ არის უალტერნატივო აღკვეთის ღონისძიება და მისი შეცვლა გირაოს სანაცვლოდაც შეიძლება:

"პროკურატურის საჯარო პოზიცია კანონის ენაზე ნიშნავს შემდეგს - პროკურატურა თვითონ აღიარებს, რომ პატიმრობა, ანუ ის პოლიტიკური პატიმრობა, რომელიც შეფარდებული აქვს ნიკა მელიას, არ არის უალტერნატივო აღკვეთის ღონისძიება და მათივე განმარტებით, გირაოს ქვეშაც შესაძლებელია უზრუნველყოფილი იყოს აღკვეთის ღონისძიების მიზნები.

ჩვენი პოზიციაა, რომ ნიკა მელიას მიმართ უნდა გაუქმდეს ნებისმიერი სახის ღონისძიება. არ არსებობს რისკი არც მისი მიმალვის, არც ახალი დანაშაულის ჩადენის.

ნიკა მელიას დაკავება და პატიმრობა იყო პოლიტიკური გადაწყვეტილება, შესაბამისად, როდესაც სასამართლო იმსჯელებს პატიმრობის განგრძობადობის საკთხზე, კანონის იმპერატიული მოთხოვნიდან გამომდინარე და პროკურატურის პოზიციიდან გამომდინარე, ცალსახაა, რომ პატიმრობა არ არის უალტერნატივო და ამ შემთხვევაში მოსამართლე ვალდებული იქნება ნიკა მელიას შეუცვალოს ან გაუუქმოს აღკვეთის ღონისძიება, რაც გამოიწვევს მის მყისიერად გათავისუფლებას",- განაცხადა კონდახიშვილმა.