"ეფ ეს ბე" -ს კონტროლი ოკუპაციის ზონაში და დანაღმული ტერიტორიები - სასწრაფოდ უნდა გამარტივდეს აფხაზეთიდან გადმოსვლიის წესები- პაატა დავითაია

პოლიტიკა - 19:59, 07 Apr, 2021

1441

,,ენგურის იქით ოკუპაციის პირისპირ, ენგურს აქეთ პანდემიის შედეგად დაწესებული შეზღუდვები - 5 დღიანი კარანტინი გალის მოსახლეობას სიცოცხლის ფასად უჯდება. "- განაცხადა ,,ევროპული-დემოკრატების" ლიდერმა პაატა დავითაიამ. „ოკუპაციის ზონაში მთელ პერიმეტრს ,,ეფ ეს ბე-ს" ჯარი აკონტროლებს. მათ გარკვეული ტერიტორია დანაღმული აქვთ, სხვა ადგილებში დედექტორები ან ვიდეო თვალები უყენიათ და მიმოსვლას მკაცრად აკონტროლებენ.“ დავითაიას განმარტებით, რუსმა ოკუპანტებმა ყველა გადმოსასვლელი გზა ჩაკეტა, დარჩა მხოლოდ ხიდი. ამიტომაც, ჩვენს მოქალაქეებს გამოსავლის მოძებნა მოუხდათ. გალიდან ზუგდიდში გადმოსასვლელად საჭიროა ოკუპაციის ზონაში გარკვეული ცნობების აღება, მკაცრი კონტროლია დაწესებული. შემდეგ ხიდი უნდა გადმოიარო და აქეთ ხუთდღიანი კარანტინი გაიარო. ამდენი დრო კი ჩვენს მოქალაქეებს არა აქვთ, ისინი ხომ სიცოცხლისთვის იბრძვიან, ზოგს მშიერი შვილი ყავს სახლში მარტო დატოვებული და ზოგს ავადმყოფი მშობლები, რომელსაც წამალი ეჩქარება.“ ,,ევროპული დემოკრატების" ლიდერი პაატა დავითაია ხელისუფლებას მოუწოდებს, გაამარტივოს ოკუპაციის ზონიდან საქართველოს მოქალაქეების გადმოსვლა, ენგურის ხიდთან სწრაფი ტესტების გაკეთების საშუალებით და მათ დამატებითი ბარიერები არ შეუქმნას. საქართველოს ხელისუფლებამ მათთვის პანდემიით გამოწვეული კარანტინის პირობები უნდა შეცვალოს და ის მაქსიმალურად გაამარტივოს.