ერთიანი ნაციონალური მოძრაობა ჯანდაცვის მინისტრის ეკატერინე ტიკარაძის გადადგომას ითხოვს - როგორც სპეციალურ ბრიფინგზე მანუჩარ ახალაიამ ისაუბრა, ხელისუფლება ესაოკუპაციო ხაზთან მცხოვრები მოქალაქეების დასახმარებლად არანაირ ზომას არ მიმართავს, ადგილობრივები კი საწირო პროდუქტისა და მედიკამენტებისთვის ენგურის გავლით გადმოდიან საქართველოს მიერ კონტროლირებად ტერიტორიაზე:

"ჩვენი ათი ათასობით მოქალაქე, რომელიც რისთვის გადმოდის ენგურის ხიდზე, ამასაც მინდა ხაზი გავუსვა - ეს ადამიანები გადმოდიან მედიკამენტების მისაღებად, საავადმყოფოებში, გადმოდიან იმისთვის, რომ პროდუქტები შეიძინონ და დაბრუნდნენ უკან და ამ დროს, ჩვენ ვხედავთ, რომ საქართველოს ხელისუფლება არაფერს აკეთებს იმისთვის, რომ მათი პრობლემები გადაიჭრას. მოვითხოვთ საქართველოს მთავრობისგან, პრემიერმინისტრისგან, რომ დღესვე, დაუყოვნებლივ გადადგეს თანამდებობიდან მინისტრი ტიკარაძე", - განაცხადა ახალაიამ.

შეგახსენებთ, ენგურის ხეობაში დღეს, სამაშველო სამსახურის თანამშრომლებმა მდინარე ენგურიდან სამი ადამიანის ცხედარი ამოიყვანეს. არსებული ინფორმაციით, მოქალაქეები ოკუპირებული ტერიტორიებიდან საქართველოს კონტროლირებად ტერიტორიაზე შემოვლითი გზით ცდილობდნენ შემოსვლას, რა დროსაც სავარაუდოდ ადიდებულმა მდინარემ წაიღო.