ენმ-ს თავმჯდომარე და პოლიტიკური მძევალი ნიკა მელია სასამართლომდე ერთი დღით ადრე ციხიდან წერილს აგზავნის. გზავილის ადრესატი ტვ პირველია, რომელმაც ოპოზიციის ლიდერის წერილი უცვლელად გამოაქვეყნა. მელია გზავნილში იმ სასამართლოზე საუბრობს, რომელიც ხვალ შედეგება და რომელსაც ისევ პოლიტიკური სარჩული ექნება:

"ივანიშვილი და მისი წარმომადგენლები დილემის წინაშე დგანან. პირველი: ფიქრობენ, თუ გამიშვეს, მოლაპარაკების მაგიდასთან ვჯდები და ჩემი მორალური და ფსიქოლოგიური უპირატესობა მათთვის დიდი დისკომფორტი იქნება. ასევე, 15 მაისამდე მთელ თბილისს და საქართველოს შემოვივლი და თავისუფლებაზე ყოფნის ყველა უპირატესობას გამოვიყენებ ქვეყნის სასარგებლოდ და მათ საწინააღმდეგოდ.

მეორე: საერთაშორისო და ადგილობრივი ზეწოლა უფრო მზარდი გახდება. ვერავის მსოფლიოში ვერ არწმუნებენ, რომ მათ არ ჰყავთ პოლიტიკური პატიმარი. ამიტომ მოუწევთ, წილი ყარონ და ისე მიიღონ გადაწყვეტილება", - წერს ნიკა მელია.

ნიკა მელიას სასამართლო პროცესი 8 აპრილს, 11:00 საათზე ჩაინიშნა.