ევროკომისიის ვიცე პრეზიდენტის პრესსპიკერის განცხადებით, საქართველოში არსებული პოლიტიკური კრიზისის გადაჭრის გზებზე ისევ მუშაობენ და ჩაშლილი მოლაპარაკებების შემდგომ, მსჯელობა ევროკავშირის შიგნით მიმდინარეობს.

"31 მარტს დასრულდა პრეზიდენტ მიშელის პირადი წარმომადგენლის კრისტიან დენიელსონის მედიაციის მეორე რაუნდი, რომლის შედეგადაც საშინაო პოლიტიკური კრიზისის მოგვარება ვერ მოხერხდება.

არც ერთმა მხარემ - არც მმართველმა პარტიამ და არც ოპოზიციურმა ლიდერებმა არ გამოავლინეს პოლიტიკური ნება შეთანხმებულიყვნენ მათთვის შეთავაზებულ კომპრომისულ წინადადებაზე. ქართველ ლიდერთა პასუხისმგებლობაა მიიღონ გამოწვევა და გამონახონ კომპრომისი.

დანიელსონმა ვითარების შესახებ მოახსენა როგორც პრეზიდენტ მიშელს, ასევე ვიცე პრეზიდენტ ბორელს, ახლა ევროკავშირის შიგნით იმსჯელებენ შემდეგი ნაბიჯების შესახებ" - აღნიშნა ევროკომისიის ვიცე პრეზიდენტის პრესსპიკერმა ნაბილა მასრალიმ.