"ეს არ არის გადაუწყვეტელი [პრობლემა]". - ასე პასუხობს ქართული ოცნების დეპუტატი სოზარ სუბარი ქვეყანაში პოლიტიკურ კრიზისთან დაკავშირებით დასმულ კითხვას.

იგი ამბობს, რომ ოპოზიციის ბოიკოტი და ქვეყანაში შექმნილი პოლიტიკური ვითარება "სულაც არაა მთავარი პრობლემა". ჟურნალისტის რეპლიკაზე, რომ ეს არის გადუწყვეტელი პრობლემა, სუბარი ამბობს - "ნუ გადაწყდება, დარჩებიან ქუჩაში-თქო, გეუბნებით, რა ვქნათ ახლა. შემოვლენ [პარლამენტში] კარგია მათთვის, არ შემოვლენ, ცუდია მათთვის".

კითხვაზე, ეს როგორ აისახება ქართულ ოცნებაზე, დეპუტატი პასუხობს, რომ "დაზარალდება ოპოზიციური სპექტრი, ქვეყანა ამას გადაიტანს მშვიდად და თქვენც თუ რეალურ პრობლემებზე დაიწყებთ საუბარს, უკეთესი თქვენთვისაც".