"მოქალაქეების" ლიდერის ალეკო ელისაშვილის განცხადებით, IRI-ს კვლევები ცხადჰყოფს, რომ ოპოზიციის ბოიკოტს აზრი აღარ აქვს და ის უნდა დასრულდეს. ელისაშვილი დარწმუნებულია, რომ კვლევაში ასახული 60%-ის აზრის გარდა, კიდევ უამრავი ადამიანი ფიქრობს ასე:

"IRI-ის კვლევაც ამბობს, რომ პოლარიზაცია დასასრულებელია, ბოიკოტს უკვე აზრი აღარ აქვს. ამას უნდა მიხვდეს ყველა. რეალობის აღქმა, რეალობისთვის თვალის გასწორება თუ არ შეგიძლია, ესე იგი ძალიან ცუდი პოლიტიკოსი ხარ. დარწმუნებული ვარ, 60%-ზე გაცილებით მეტი ადამიანი იქნება, ვინც ფიქრობს, რომ ბოიკოტი უნდა დასრულდეს. ხალხის რეალურ პრობლემებზე უნდა საუბრობდნენ", - განაცხადა ელისაშვილმა.