მელიას გათავისუფლებით მოლაპარაკებების პროცესი გაგრძელდება - ოპოზიცია 8 აპრილს ჩანიშნულ სასამართლოზე

პოლიტიკა - 17:11, 05 Apr, 2021

1448

ნიკა მელიას გათავისუფლება მოლაპარაკებების პროცესის გაგრძელებას შეუწყობს ხელს, ახლა ხელისუფლების კეთილ ნებაზეა დამოკიდებული, გაგრძელდება თუ არა მოლაპარაკება - ასე აფასებს ოპოზიცია ნიკა მელიას სასამართლოს ჩანიშნვას, რომელიც 8 აპრილს გაიმართება:

"დღეს ჩვენს ქვეყანაში და მთელს მსოფლიოში შეჯერებულია აზრი იმაზე, რომ ნიკა მელია არ უნდა იყოს იქ, სადაც არის იმიტომ, რომ არ არის ეს კანონიერი გადაწყვეტილება და ამ გადაწყვეტილების მტავარი მოტივატორი იყო ქართული ოცნების პოლიტიკური დღის წესრიგი. თუ კი ვინმეს ამ ქვეყანაში სურს სიტუაციის დამსვიდება და ნორმალიზება, მოლაპარაკების გზით პრობლემის მოგვარება, პირველი ნაბიჯი რაც უნდა გააკეთოს, არის ნიკა მელიას საპატიმროდან გამოშვება" - განაცხადა ენმ-ს წევრმა დავით კირკიტაძემ.

"ნიკა მელიას, ისევე როგორც დაპატიმრება, ასევე გათავისუფლება არის თავიდან ბოლომდე პოლიტიკური აქტი. მას სამართალთან არანაირი შეხება არ ჰქონდა, არ აქვს და არც ექნება, ამიტომ, მოსამართლე რა გადაწყვეტილებას გამოაცხადებს, ძნელია პროგნოზირება, ყველა შემთხვევაში ეს იქნება პოლიტიკური გადაწყვეტილება, ის უბრქალოდ გაახმოვანებს. მოლოდინი და იმედი მაქვს, რომ ნიკას 8 აპრილს გარეთ ვიხილავთ" - განაცხადა ევროპული საქართველოს ერთ-ერთმა ლიდერმა გიგი უგულავამ.
"არ არსებობს არანაირი ბრალდება იმასთან დაკავშირებით და დაუსაბუთებელია მთლიანად, რომ თითქოს და ვინმე სადმე შეჭრას აპირებდა. ეს გამორიცხულია, სამაგიეროდ ჩვენ ვნახეთ ხელისუფლების მიერ ჩადენილი დანაშაული, როდესაც წარუშლელი დასახიჩრებები მიაყენეს ახალგაზრდებს, დათხარეს თვალები. ერთგვარი ტესტი იქნება ხელისუფლების - თუ ისინი გაათავისუფლებენ მელიას, ესე იგი შესაძლებელია გარკვეულწილად მოლაპარაკებების გაგრძელება" - განაცხადა ლეიბორისტული პარტიის წევრმა გიორგი გუგავამ.