შენი ვიზიტი მოაწყო ისე, როგორც კოლონიზატორები ჩამოდიან "დიდი მიწიდან", რომ მაგარი დრო გაატარონ, ეს საკმაოდ სამარცხვინო ისტორიაა

შენი ვიზიტი მოაწყო ისე, როგორც კოლონიზატორები ჩამოდიან "დიდი მიწიდან", რომ მაგარი დრო გაატარონ, ეს საკმაოდ სამარცხვინო ისტორიაა - "დოჟდის" მთავარი რედაქტორი

პოლიტიკა - 21:26, 03 Apr, 2021

2558

ვლადიმერ პოზნერის თბილისში ჩამოსვლათან დაკავშირებული მოვლენები ბუნებრივია, რუსი ჟურნალისტების ყურადღების ცენტრში მოექცა. სრულიად შემთხვევით, სწორედ ამ დღეებში, საქართველოში ოჯახთან ერთად შვებულებას ატარებს ცნობილი ჟურნალისტი, ტელეარხ "Дождь"-ის მთავარი რედაქტორი ტიხონ დზიადკო, რომელმაც სოციალურ ქსელში ვრცელი პოსტი მიუძღვნა სკანდალურ ვიზიტს, რომელიც თბილისიდან არის გაკეთებული.

დზიადკოს ინფორმაციით, ისიც 31 მარტს ჩამოფრინდა თბილისში, რის შესახებაც ფეისბუქზე სურათიც დადო.

"მეორე დღეს რამდენიმე მესიჯი მივიღე კითხვით - "იმ რეისით ხომ არ ჩაფრინდით?" - ვლადიმერ პოზნერთან და მისი დღესასწაულის სტუმრებთან ერთად.

არა, ჩვენ ვნუკოვოდან ერევანში ჩავფრინდით და იქიდან - თბილისში და ძალიან გამივირდა, რომ აეროპორტის ტაბლოზე დავინახე პირდაპირი რეისი თბილისში - პირდაპირი რეისები უკვე 2 წელია აღარ არის. ვიფიქრე, ყოჩაღ, შეუძლიათ ადამიანებს ჩარტერის ფასის გადახდა, მეც ასევე ვიზამდი, რომ შემეძლოს. მაგრამ რაც მერე მოხდა, რბილად რომ ვთქვათ, უწესობაა" - წერს ჟურნალისტი.

ტიხონი მკითხველებს უხსნის, რომ თბილისში 21 საათიდან კომენდანტის საათია, ყველაფერი დაკეტილია, ხალხი და მანქანები ქუჩაში ფაქტიურად არ არის, მაღაზიები, რესტორნები, აფთიაქები და სხვა ყველაფერი დაკეტილია და დამრღვევ პირებს 600 დოლარით აჯარიმებენ. გამონაკლისია მხოლოდ რამდენიმე ადამიანი, რომელთაც სპეციალური საშვები აქვთ, ეს მცირე კონტინგენტია, ისე არ არის, როგორც მოსკოვში შარშან გაზაფხულზე. მან ისიც აღნიშნა, რომ ვერ მოასწრეს ჩვილი ბავშვისთვის პამპერსის ყიდვა.

ამ შესავლის შემდეგ ჟურნალისტი საზოგადოებას მომხდარ ამბავზე თავის პოზიციას უზიარებს.

"თვითმფრინავი ჩამოფრინდა დაახლოებით 8:00 საათზე. ყველა სტუმრისთვის ღონისძიების ერთერთი მონაწილე ქალი, ხელისუფლების მეშვეობით, საშვების ორგანიზებას აკეთებს. ავტობუსით ყველა სასტუმრო "სტამბაში" გადაჰყავთ. იქიდან, კომენდანტის საათი უკვე დაწყებულია, ისინი Vinotel-ში მიჰყავთ. სხვათა შორის, პროცესიას ციმციმიანი პოლიცის მანქანა მიუძღვის წინ. იქ შემდეგ მოხდა ის, რაც მოხდა - მიტინგი, კვერცხების სროლა, ლანძღვა-გინება.

რა თქმა უნდა, კვერცხების დაშენა და ადამიანების ლანძღვა-გინება არ არის მთლად კარგი საქმე, მაგრამ, შენი გამონათქვამებით აფხაზეთზე, დააბიჯო ფეხი ქვეყნის ეროვნულ ტრაგედიას და შემდეგ ისე ჩახვიდე ქვეყანაში, თითქოს არაფერი მომხდარა, კიდევ უფრო მეტად არ არის კარგი საქმე. ამიტომ, მზად უნდა იყო იმისთვის, საზოგადოების გარკვეული ნაწილი თავის დამოკიდებულებას გამოხატავს, უბრალოდ იმიტომ, რომ საქართველოსთვის ეს არის ისტორია, რაც ათასობით მოკლულს და 250 000 ლტოლვილს ნიშნავს.

ხოლო შენი ვიზიტი მოაწყო ისე, როგორც კოლონიზატორები ჩამოდიან "დიდი მიწიდან" პოლიციის დახმარებით, რომ მაგარი დრო გაატარონ, სანამ ადგილობრივები სხედან სახლში და მაღაზიაში გასვლაც არ შეუძლიათ, არა მარტო კარგი საქმე არ არის, ეს საკმაოდ სამარცხვინო ისტორიაა," - წერს "Дождь"-ის მთავარი რედაქტორი.