"ის უტიფარი საქციელია, მეტი სხვა სიტყვა ვერ მოვიფიქრო, რაც გია ვოლსკიმ ჩაიდინა ჩვენი შვილების მიმართ. შეურაცხყოფა მიაყენა სრულიად საქართველოს" , - ასე ეხმაურება "ლელოს" ლიდერი, მამუკა ხაზარაძე, პარლამენტის ვიცესპიკერის და მმართველი გუნდის წევრის გია ვოლსკის შეურაცხმყოფელ ჟესტს .

მისივე თქმით, ნორმალურ ქვეყანაში ასეთი ადამიანი სასწრაფოდ უნდა იხდიდეს ბოდიშს და მიდიოდეს თანამდებობიდან, ტოვებდეს მანდატს.

"ის უტიფარი საქციელია, მეტი სხვა სიტყვა ვერ მოვიფიქრო, რაც გია ვოლსკიმ ჩაიდინა ჩვენი შვილების მიმართ. შეურაცხყოფა მიაყენა სრულიად საქართველოს, ახალგაზრდა ადამიანებს - გოგოებს და ბიჭებს. ისეთი ჟესტი გააკეთა, რომ მისი ადგილი პარლამენტში არ უნდა იყოს. მან სასწრაფოდ უნდა დატოვოს თანამდებობა. ნორმალურ ქვეყანაში ასეთი ადამიანი სასწრაფოდ უნდა იხდიდეს ბოდიშს და მიდიოდეს თანამდებობიდან, ტოვებდეს მანდატს. თუ ის ასე არ გააკეთებს, ეს იმას ნიშნავს, რომ ქართული ოცნება იზიარებს ასეთ ენაზე კომუნიკაციას საზოგადოებასთან. აქამდე მივიდა ეს ყველაფერი ქართული ოცნების პოლიტიკით", - განაცხადა მამუკა ხაზარაძემ.

შეგახსენებთ, რომ "ოცნების" ოფისთან აქტივისტებს მმართველი გუნდის წევრმა, გია ვოლსკიმ , შეურაცხმყოფელი ჟესტი უჩვენა.