"ქართული ოცნების" ოფისში 16:30 საათზე უმრავლესობისა და პოლიტსაბჭოს სხდომა ჩაინიშნა. სახელოისუფლებო გუნდს არ გაუკეთებია კომენტარი კონკრეტულად რა საკითხი უნდა გადაჭრან სხდომაზე, თუმცა შეხვედრა მას შემდეგ გადაწყვიტეს, რაც ევროპარლამენტარების უმწვავესი გზავნილის შემდეგ ევროკავშირის ელჩი კარლ ჰარცელი ღარიბაშვილს შეხვდა.

გარდა ამისა, მას შემდეგ, რაც ევროპული საბჭოს პრეზიდენტის, შარლ მიშელის პირადი წარმომადგენლის, კრისტიან დანიელსონის მედიაციით ხელისუფლებასა დაოპოზიციას შორის მოლაპარაკებების კიდევ ერთი რაუნდი წარუმატებლად დასრულდა, საქართველოში ევროპარლამენტარი ვიოლა ფონ კრამონი არაოფიციალური ვიზიტით ჩამოვიდა და ხელისუფლებისა და ოპოზიციის წარმომადგენლებთან ინდივიდუალური შეხვედრა არაფორმალურ გარემოში გამართა. გუშინ კი შვიდმა ევროპარლამენტარმა ერთობლივი განცხადება გაავრცელეს, სადაც საუბარია იმაზე, რომ ევროკავშირმა საქართველოს ფინანსურ დახმარება აღარ გამოუყოს.