"გირჩი - მეტი თავისუფლებას“ ლიდერი ზურაბ ჯაფარიძე საქართველოში რუსი ჟურნალისტის ვლადიმერ პოზნერის ვიზიტთან დაკავშირებით განვითარებულ მოვლენებზე საუბრობს.
მისი ტქმით, შეიძლება კვერცხების სროლა და რაღაცები არ მოგწონდეს, მაგრამ კრემლის საჯარო რუპორებმა უნდა იცოდნენ, რომ მათთვის საყვარელი სტუმარ-მასპინძლობა დამთავრებულია და ვეღარ გაწელავენ აქ ელარჯს.

როგორც ჯაფარიძე განმარტავს, საზოგადოების ნაწილის რეაქცია, რაც პოზნერს დახვდა, სწორი იყო.

"ქვეყანაში შემოსვლა არ მგონია პრობლემა, შეიძლება იყოს რაღაც დაწესებული, რომ, სიტყვაზე, სამხედრო მოქმედებებში თუ აქვს მონაწილეობა მიღებული ან ვიღაც ტერაქტს აწყობს, არ შემოუშვა, თორემ სხვა შემთხვევაში მგონია, რომ ნებისმიერ მოქალაქეს უნდა ჰქონდეს შემოსვლის უფლება, ისევე როგორც პოზნერს, ოღონდ სწორი არის ის რეაქცია, რაც მას დახვდა.

შეიძლება კვერცხების სროლა და რაღაცები არ მოგწონდეს, მაგრამ კრემლის საჯარო რუპორებმა უნდა იცოდნენ, რომ მათთვის საყვარელი სტუმართ-მასპინძლობა დამთავრებულია და ვეღარ გაწელავენ აქ ელარჯს" - ამბობს ჯაფარიძე.