ლიეტუვის სეიმის საგარეო ურთიერთობათა კომიტეტის თავმჯდომარე ჟიგიმანტას პავილიონისი “ოცნების” ერთ-ერთ ლიდერს, მამუკა მდინარაძეს პასუხობს:

“სირცხვილია. რუსეთის მიერ საქართველოს წინააღმეგ წარმოებული ომის დროს მე საგარეო საქმეთა მინისტრის მოადგილე ვიყავი, პასუხისმგებელი საქართველოს დახმარებაზე, რათა ქართველები გამკლავებოდნენ ამ სასტიკ აგრესიას. იმ მძიმე პერიოდის დროსაც და მერეც, ყოველდღიურად ვიბრძვი რუსეთის აგრესიის წინააღმდეგ მთელ რეგიონში”, - წერს პავილიონისი.

მდინარაძემ პარალელი გაავლო პავილიონისსა და პოზნერს შორის. ფრაქცია "ქართული ოცნების" თავმჯდომარე ამბობს, რომ თუ ოპოზიცია მზადაა, შეუძლიათ იმსჯელონ იმაზე, შემოუშვან თუ არა საქართველოში ის ადამიანები, რომელთაც საქართველოს ოკუპირებულ ტერიტორიებთან დაკავშირებით ქართული მხარისთვის მიუღებელი განცხადებები აქვთ გაკეთებული.