რუსეთის სახელმწიფო დუმის დეპუტატი რუსეთის ფედერაციის კომუნისტური პარტიიდან სერგეი გავრილოვი თბილისში პოზნერის ვიზიტს ეხმაურება. როგორც მან Tass-თვის მიცემულ ინტერვიუში განაცხადა, გუშინდელი მოვლენები პოლიტიკური დემარშია, რომელიც მიმართულია იმისკენ, რომ საქართველოსა და რუსეთს შორის ურთიერთობა არ აღდგეს:

"შემთხვევა პოზნერთან - სერიოზული პოლიტიკური დემარშია. მისი ფიგურა შემთხვევით არ შეურჩევიათ, რადგან ის რუსეთში ფართოდ არის ცნობილი, პოპულარულია ინტელიგენციაში. ეს გათვითცნობიერებული პროვოკაციაა, რომელიც ურტყავს საქართველოს იმიჯს, როგორც სტუმართმოყვარე ქვეყანას, რომელშიც სტუმრის უსაფრთხოება მნიშვნელოვანი უნდა იყოს. ეს რადიკალური ოპოზიციის მცდელობაა აჩვენონ ყველა ტურისტს, რომ საქართველოში ჩასვლა არ შეიძლება. ეს გააზრებული "გასროლაა ორივე ფეხში", რათა შესუსტდეს ეკონომიკა.

აგრესიული, რადიკალური უმცირესობა, რომელიც არის დასავლური წრეების ინსტრუმენტი, ხელისუფლებას აშანტაჟებს, აწყობს პროვოკაციებს იმისათვის, რომ საქართველოსა და რუსეთს შორის ურთიერთობები არ აღდგეს", - განაცხადა გავრილოვმა.