ბრიტანელმა პოლიტიკურმა მიმომხილველმა დანიელ ჰამილტონმა "მთავარ არხთან" საუბრისას პოზნერის ვიზიტის შესახებ მწვავე განცხადება გააკეთა და აღნინა, რომ მისი საქართველოში ჩამოსვლა პროვოკაცია იყო და მთავრობამ ქვეყანაში შემომსვლელებთან დაკავშირებით მეტი სიფრთხილე უნდა გამოიჩინოს:

"ვლადიმერ პოზნერის ვიზიტი ნამდვილად პროვოკაცია იყო. ასეთი ადამიანები არცერთ შემთხვევაში არ უნდა იყვენენ შეშვებული ქვეყანაში. მე ვფიქრობ, რომ ეს იყო პროპაგანდისტული ნაბიჯი კრემლის მხრიდან, რათა ამ ყველაფერს ხალხის აღშფოთება გამოეწვია. შემდეგ ამას გამოიყენებენ რუსეთში და თავის მოქალაქეებს ეტყვიან, რომ საქართველო არ არის უსაფრთხო ადგილი ტურისტებისთვის. საქართველოს მთავრობა უნდა იყოს ძალიან ფრთხილად და კარგად დაფიქრდეს, რომელი ადამიანები უნდა შევიდეს ქვეყანაში. ასევე ძალიან ცუდია, რომ პოზნერის ვიზიტი შედგა მას შემდეგ, რაც საქართველოს მთავრობამ ვერ მიაღწია შეთანხმებას ოპოზიციასთან ევროკავშირის მედიაციით და უარყო ძალიან კარგი შეთავაზებები. ვფიქრობ, რომ საქართველოს მთავრობამ უნდა დაიწყოს მოსმენა და მოლაპარაკება ოპოზიციასთან და უარი თქვას ხისტ ტაქტიკაზე" - განაცხადა ჰამილტონმა.