დუმის სპიკერი ვიაჩესლავ ვოლოდინი საქართველოში პოზნერის ვიზიტსა და ქვეყნის მოქალაქეების პროტესტს გამოეხმაურა. მისი თქმით, გუშინდელმა მოვლენებმა კარგად აჩვენა, როგორ ღრმა კრიზისში იმყოფება ქვეყანა. ვოლოდინის განცხადებით, რუსი ტურისტების საქართველოში ჩამოსვლა საფრთხის შემცველია:

"რადიკალიზმი ბევრ რამეში განსაზღვრავს საქართველოს შიდა პოლიტიკას და ეს, რა თქმა უნდა, არაფერ სასიკეთოს არ მოიტანს. ანალოგიური მოხდა სერგეი გავრილოვის მიმართაც და ეს, რა თქმა უნდა, მხოლოდ საქართველოს ანგრევს და ზაფხულის ტურისტული სეზონის მოახლოებასთან ერთად, კიდევ ერთხელ აჩვენებს, რამდენად საფრთხის შემცველია რუსი მოქალაქეების საქართველოში ჩასვლა,"- განაცხადა ვიაჩესლავ ვოლოდინმა.