პრემიერმა ირაკლი ღარიბაშვილმა მთავრობის სხდომაზე ხელისუფლებასა და ოპოზიციას შორის მოლაპარაკების უშედეგოდ დასრულებაზე გააკეთა კომენტარი და განაცხადა, რომ ოპოზიციას არ ეყო გამბედაობა, უარი ეთქვა საკუთარ პრეტენზიებზე და დოკუმენტისთვის მოეწერა ხელი. მისი თქმით, ხელისუფლება აღარ დაკარგავს დროს ამ ადგილების განხილვით:

"დავრწმუნდით, რომ მათ არ ეყოთ გამბედაობა და სამწუხაროდ, არც გონიერება, უარი ეთქვათ აბსოლუტურად დაუსაბუთებელ პრეტენზიებზე და ხელი მოეწერათ დოკუმენტზე. ჩვენ უფლებას ვიტოვებთ, აღარ დავკარგოთ დრო ამ ადგილების განხილვაზე, და ორიენტირებულები ვიყოთ რეალურ პრობლემებზე. ჩვენ არ გვექნება დასაკარგი დრო ამ უშინაარსო და არაპროდუქტიულ მოლაპარაკებებზე დასახარჯად" - განაცხადა ღარიბაშვილმა.