"ქართული ოცნების" წევრი, დავით მათიკაშვილი, ეხმაურება ფინანსთა მინისტრის , ივანე მაჭავარიანის, გადადგომას და აცხადებს, რომ "ჩვენ არ ვართ კონკრეტულ პიროვნებებზე დამოკიდებული სამთავრობო საქმიანობის არცერთი მიმართულებით, ეს არის ერთიანი გუნდი, დამოუკიდებელი ინსტიტუციები, რომლებიც ახორციელებენ მათზე დაკისრებულ ვალდებულებას".

მისივე თქმით, იყო ცხარე კამათებიც, კონკრეტული გადაწყვეტილებებიც.

"გვქონდა ძალიან აქტიური სამუშაო პროცესი ბევრ საკითხთან მიმართებით. იყო ცხარე კამათებიც, კონკრეტული გადაწყვეტილებებიც, ანუ, აქტიური მუშა პროცესი მისი მინისტრობის პერიოდში. მიზეზებზე, თვითონ ისაუბრებს.

კარგად ხედავთ ბატონი ღარიბაშილის კაბინეტის საქმიანობას ეკონომიკური მიმართულებით - ეს არის პასუხი იმ გამოწვევებზე, რომელიც პანდემიის გამო დადგა ქვეყანაში. ფართოდ გაშლილი საქმიანობაა ინვესტორთა მოძიების კუთხით, სახელმწიფო საკუთრებაში არსებული ქონების პრივატიზაციასთან დაკავშირებით, რომელმაც დამატებით უნდა განახორციელოს თანხების მობილიზება ბიუჯეტში“,- განაცხადა მათიკაშვილმა.