ნიკა მელიას მიმართვა: "1 ლარიც რომ იყოს... არ გადავიხდი და ყველა ენთუზიაზსტს ვთხოვდი, ეს სურვილები წარსულს ჩააბარონ... ივანიშვილი ვერ ეღირსება გამოსასყიდი თანხით ვაჭრობას“

პოლიტიკა - 17:42, 31 Mar, 2021

1071

საგანგებო მიმართვას ავრცელებს ციხიდან ერთიანი ნაციონალური მოძრაობის ლიდერი. ნიკა მელია ხაზს უსვამს, რომ ის არ აპირებს გამოსასყიდი თანხის გადახდას და აქვე, ყველა იმ პირს, იქნება ეს უცხოელი თუ სხვა, მოუწოდებს, წარსულს ჩააბარონ სურვილები, მისი გამოსასყიუდი თანხის გადახდასთან დაკავშირებით.

ოპოზიციის ლიდერი ამბობს, რომ ის არ მისცემს ივანიშვილს საშუალებას მისი გამოსასყიდი თანხით ივაჭროს.

„გამარჯობა,

ახლა ძალიან მოკლედ დავწერ, მომდევნო დღეებში კი - უფრო ვრცლად.

1. გამოსასყიდი თანხა 1 ლარიც რომ მქონდეს გადასახდელი, არ გადავიხდი და ყველა ენთუზიასტს (იქნება ის უცხოელი თუ სხვა) დაბეჯითებით ვთხოვდი, ეს ალტრუისტული სურვილები, რომ ჩემი გამოსასყიდი თანხა თავად გადაიხადონ, წარსულს ჩააბარონ.

2. სანამ რამე ფორმითა და რამე ფორმატში ჩემს გათავისუფლებაზე შედგება მსჯელობა, მე რუსთავის N12 ციხიდან უნდა გავიგო და დავინახო, რომ გიორგი რურუა უკვე სახლშია.

და ბოლოს, ძალიან პრინციპულად მსურს გავიმეორო:

თეორიულად ყველა შესათანხმებელ საკითხზე რომც მოხერხდეს შეთანხმება, ივანიშვილი ჩემი გამოსასყიდი თანხით ვაჭრობას ვერ ეღირსება!

ყველაფერი მაგრად იქნება, მთავარია, არ დავიღალოთ და არ ვიწუწუნოთ!“ - ნათქვამია ნიკა მელიას მიმართვაში, რომელის მისსავე ფეისბუიქს გვერდზეა განთავსებული/