პოლიტიკური მოძრაობის "დროას" დამფუძნებელი ელენე ხოშტარია სოციალურ ქსელში პოსტს ავრცელებს და აცხადებს, რომ პუტინთან და კრემლთან დაახლოებული ტელეწამყვანი დაბადების დღის აღსანიშნავად საქართველოში ჩამოდის. ვლადიმერ პოზნერი სწორედ ის პირია, რომელმაც განაცხადა, რომ აფხაზეთი აღარასდროს იქნება საქართველოს ნაწილი:
"აფხაზეთი აღარასდროს იქნება საქართველოს ნაწილი" - აი, ამის მთქმელი, ვლადიმირ პოზნერი, პუტინის მონა, ხვალ მობრძანდება საქართველოში საკუთარ დაბადების დღეზე საგულაოდ. ცხადია, შემოუშვებენ და გულაობის ექსკლუზიურ უფლებასაც მიანიჭებენ. გალიდან პენსიონერი რომ გადმოვიდეს პენსიის ასაღებად, 5 დღე კარანტინში აგდებენ და პოზნერი გულაობს საქართველოში.
ამ სიტყვების მთქმელი სახელმწიფომ არ უნდა შემოუშვას საზღვარზე, თუ თავმოყვარეობა გაგვაჩნია" - წერს ხოშტარია სოციალურ ქსელში.
მასალის გამოყენების პირობები






