პარტია "სამართნიალობისთვის" ლიდერმა, ეკა ბესელიამ, გიორგი რურუას მიმართ ხელისუფლების ახალ მესიჯბოქსზე ისაუბრა და განაცხადა, რომ პოლიტსტატუსის მისანიჭებლად პოლიტიკოსობა საჭირო არ არის. მისი თქმით, თუ დაკავება პოლიტიკუი ინტერესის გამო ხდება, იმ საქმეს პოლიტიკური პატიმრის სახელი ენიჭება:

"პოლიტიკური პატიმრის სტატუსის მისანიჭებლად საერთოდ არ არის საჭირო, რომ ის პოლიტიკოსი იყოს. აბსოლუტურად არ აქვს ამას მნიშვნელობა. მე ვურჩევდი, ვინც ასეთ უაზრო განცხადებებს აკეთებს მმართველი პარტიიდან, წაიკითხოს ევროსაბჭოს რეზოლუცია 1800, რომელიც სწორედ 2011 წლის ბოლოს შეიქმნა და იქ ნახავს, რომ ნებისმიერი საქმე, ნებისმიერი პროფესიის ადამიანი, რომლის საქმეზეც სამართლიანი სასამართლოს ნაცვლად პოლიტიკური ინტერესი ჩნდება და პოლიტიკური ინტერესის გამო ხდება ადამიანის დაკავება ან მსჯავრდება, იმ საქმეს პოლიტიკური პატიმრის სახელი ენიჭება. თუნდაც ერთხელაც არ ჰქონდეს ამ ადამიანს პოლიტიკური განცხადებები გაკეთებული", - განაცხადა ბესელიამ.