დახურულ კარს მიღმა გამართული უმრავლესობის სხდომის დასრულების შემდეგ ირაკლი კობახიძემ მედიასთან გააკეთა კომენტარი და განმარტა, რომ ხელოვნურად შექმნილ კრიზისსაც სჭირდება მოგვარება და სახელისუფლებო გუნდი ცდას არ დააკლებს. მისი თქმით, მცდელობები კონკრეტულ ოპოზიციურ პარტიებთან ინდივიდუალური შეხვედრების რეჟიმს, ასევე კოლექტიურ ფორმატს მოიცავს:

"ხელოვნური კრიზისიც არის კრიზისი და ამას სჭირდება მოგვარება, ამისათვის ბუნებრივია, ჩვენ ცდას არ დავაკლებთ. ჩვენ გვექნება მჭიდრო თანამშრომლობა საერთაშორისო პარტნიორებთან და ასევე, ბუნებრივია გვექნება ჩვენი მცდელობები კონკრეტულ ოპოზიციურ პარტიებთან, შეიძლება ეს იყოს ინდივიდუალურ რეჟიმში, შეიძლება იყოს კოლექტიურ რეჟიმში, ვნახოთ. ჩვენ გვექნება მცდელობა და რა თქმა უნდა, გვექნება ყველა შემთხვევაში კონსტრუქციული მიდგომა ყველა თემასთან დაკავშირებით", - განაცხადა კობახიძემ.