ამერიკის სახელმწიფო დეპარტამენტი საქართველოში ადამიანების უფლებების შესახებ 2020 წლის ანგარიშს აქვეყნებს, რომელშიც ის გახმაურებული საქმეებია მოცემული, რაც პოლიტიკურად მოტივირებულ მართლმსაჯულების საკითხებს მოიცავს, მათ შორის არის ხაზარაძე-ჯაფარიძე-წერეთლის, ნიკა გვარამიასა და გიორგი რურუას ქეისები.

ანგარიშში ასევე შეტანილია გიგი უგულავასა და ირაკლი ოქრუაშვილის წინააღმდეგ სამართლებრივი დევნის ფაქტები:

"ოპოზიცია აგრძელებდა ოპოზიციონერი მოღვაწის გიორგი რურუას გათავისუფლების მოწოდებას, ახასიათებდა მას, როგორც პოლიტპატიმარი, რომლის გათავისუფლება გათვალისწინებული იყო 8 მარტს მმართველ და ოპოზიციურ პარტიებს შორის პოლიტიკური შეთანხმების საფუძველზე. შეთანხმება საარჩევნო სისტემის ცვლილებებთან ერთად შეიცავდა დებულებას, რომ მთავრობა მიმართავდა სასამართლო სისტემაში პოლიტიკური ჩარევის გამოჩენას.

30 ივლისს რურუას მიესაჯა ოთხი წლით თავისუფლების აღკვეთა ორი ბრალდებით. 4 აგვისტოს 9 არასამთავრობო ორგანიზაციამ გამოთქვა შეშფოთება, რომ რურუას წინააღმდეგ პოლიტიკურად მოტივირებული საქმე იყო და განაცხადეს: "პოლიტიკური ნიშნით დევნა ახლახანს გახდა იარაღი პოლიტიკური ოპონენტების ან კრიტიკული მედიასაშუალებების გავლენისთვის". მთავრობამ საერთაშორისო და ადგილობრივ ორგანიზაციებს ნება დართო, მოინახულონ პირები, რომლებიც თავს პოლიტპატიმრებად აცხადებენ, რამდენიმე საერთაშორისო ორგანიზაციამ ეს გააკეთა", - წერია ანგარიშში.

დოკუმენტში გამოუძიებელი საქმეების ჭრილში გამოტანილია 2019 წლის 20 ივნისის ღამეს სამართალდამცველების მხრიდან ძალის გადამეტებისა და 2017 წელს აზერბაიჯანელი ჟურნალისტის აფგან მუხთარლის გატაცების ფაქტები.

ანგარიშში ღიად არის ნათქვამი, რომ სასამართლოს კლანი მართავს და მისი დამოუკიდებლობა დიდი პრობლემას წარმოადგენს, ხოლო პოლიტიკურად მოტივირებული სისხლის სამართლის საქმეები მრავლად არის ქართული მართლმსაჯულების ანგარიშზე.