"სტრატეგია აღმაშენებლის" წევრი, პაატა მანჯგალაძე, აცხადებს, რომ "სტრატეგია აღმაშენებლისთვის“ ვადამდელი არჩევნები გამყოფი ხაზია.

როგორც მანჯაგალაძემ განმარტა,თუ არ იქნება საუბარი რიგგარეშე არჩევნების საკითხზე, გაუჭირდებათ ტექსტზე დათანხმება.

მისივე თქმით, მოლაპარაკებების მაგიდაზე არსებული 5 პუნქტიდან, ყველა მნიშვნელოვანია.

"თუ საერთო ოპოზიციურ ფორმატში გადაწყვეტილება იქნება მიღებული, ჩენ ამ პროცესს არ გამოვაკლდებით, მაგრამ ჩვენთვის გამყოფი ხაზია ნამდვილად. მაშინ რა გამოვიდა, „ქართულმა ოცნებამ“ პოლიტიკური მოტივივით დაკავებული ადამიანების სახით აიყვანა მძევალი, ახლა გვიბრუნებს მას და პროცესი რჩება იქ, სადაც იყო. ეს არასწორი იქნება. არც უნდა აკადროს „ქართულმა ოცნებამ“ ერთ მილიონ ამომრჩეველს, რომელსაც წარმოადგენს ოპოზიციური პარტიები, რომ ამ ტონში და ასე ელაპარაკოს.

პრეზიდენტ მიშელის ჩარჩო-დოკუმენტში, რომელიც 5 პუნქტისგან შედგება და მეექვსე პუნქტი პარლამენტში შესვლის პროცედურულ საკითხს ეხება, ყველა საკითხი მისაღებია, დღეს თუ აღმოჩნდება, რომ აქედან რომელიმე საკითხი დაბლოკა „ქართულმა ოცნებამ“ ან რომელიმემ მხარემ, ეს „სტრატეგია აღმაშენებლისთვის“ მიუღებელი იქნება, რადგან ჩვენთვის ყველა პუნქტი მნიშვნელოვანია, მაგრამ განსაკუთრებით მნიშვნელოვანია ის, რამაც პოლიტიკური კრიზისი გამოიწვია - ვადამდელი არჩევნების საკითხი. საკითხი ადგას ასე, არა ის, რა უნდა „ქართულ ოცნებას“ ან ოპოზიციას, არამედ ის, რომ, მოდი ამ კრიზისის გადაწყვეტაში შემოვიყვანოთ ხალხი. „სტრატეგია აღმაშენებელი“ მზადაა განიხილოს ვადამდელ არჩევნებამდე მისასვლელი გზაც და ვადამდელი არჩევნების თარიღიც“, - განაცხადა მანჯგალაძემ "360 გრადუსში"