"თუ ახლა არაა შესაძლებლობა, გადაიჭრას რთული შიდა გამოწვევები, როგორ შეუძლია საქართველოს მოლაპარაკება აწარმოოს EU-ს წევრობაზე", - ამის შესახებ ევროპარლამენტარმა , პეტრას აუსტრევიჩუსმა , საქართველოში მიმდინარე პოლიტიკურ კრიზისზე საუბრისას განაცხადა.

ევროპარლამენტარის განმარტებით, "პოლიტიკური მართლმსაჯულებისა და დემოკრატიული რეფორმების თემას, აქ საჭიროა, ქვეყანამ უფრო მტკიცედ იაროს სწორ გზაზე".

"რაც შეეხება პოლიტიკური მართლმსაჯულებისა და დემოკრატიული რეფორმების თემას, აქ საჭიროა, ქვეყანამ უფრო მტკიცედ იაროს სწორ გზაზე. ჯერჯერობით ვერ ვხედავთ საკმარის პოლიტიკურ სიმწიფეს ამ მიმართულებით. როცა მესმის ამ განზრახვის შესახებ, წევრობაზე, ამ ყველაფერს ძალიან სერიოზულად აღვიქვამ.

ქვეყანას ექნება ძალიან მძიმე მოლაპარაკებები დიდი ხნის განმავლობაში. თუ ახლა არაა შესაძლებლობა, გადაიჭრას რთული შიდა გამოწვევები, როგორ შეუძლია საქართველოს მოლაპარაკება აწარმოოს წევრობაზე. ეს საერთოდ არაა ადვილი გზა. მე ლიეტუვას მთავარი მომლაპარაკებელი ვიყავი ევროკავშირის გზაზე და რომ არა ეროვნული კონსენსუსი პოლიტიკურ პარტიებს შორის რეფორმებზე, არაფერი გამოვიდოდა. ამიტომ ორჯერ დაფიქრდით, სანამ განაცხადს წარადგენთ EU-ს წევრობაზე იმ პირობებში, რაშიც ახლა ხართ" , - განაცხადა პეტრას აუსტრევიჩუსმა "ფორმულასთან".