სახელისუფლებო გუნდი ყოველ დღიურად კარგავს წევრებს - ცოტა ხნის წინ თანამდებობა ზუგდიდის მერის პირველმა მოადგილემ გიგა ფარულავამ დატოვა. გადადგომის შესახებ ფარულავამ სოციალურ ქსელში დაპოსტა:

"მადლობას ვუხდი თითოეულ საჯარო მოხელეს, რომელიც კეთილსინდისიერად და დაუღალავად ემსახურებიან ჩვენი ქალაქის კეთილდღეობასა და განვითარებას.

მადლობა თქვენ მეგობრებო, კოლეგებო, სასიამოვნო იყო თქვენთან ერთად წლების მანძილზე მუშაობა. მადლობა თითოეულს ვინც ჩართული იყო და არის ჩვენი ქალაქის და ქვეყნის უკეთესი მომავლის მშენებლობაში.

მადლობა თითოეულ მოქალაქეს, რომელიც გაგებით მოეკიდა არსებულ პრობლემებს და გამოწვევებს. მივიღე გადაწყვეტილება, დავტოვო დაკავებული თანამდებობა! მინდა მადლობა გადავუხადო ბატონ გეგას და ვუსურვო წარმატებები!" - წერია პოსტში.

ფარულავა ამ თანამდებობაზე 2019 წლის ივლისში დაინიშნა.