ნაციონალური მოძრაობის წევრის სალომე სამადაშვილის განცხადებით, თუ შარლ მიშელის მიერ შეთავაზებულ დოკუმენტში ყველა ის საკითხი იქნება განხილული, რომელიც ოპოზიციის მოთხოვნას შეესაბამება, ამ შემთხვევაში ხელს მოაწერს. მისი განმარტებით, ოპოზიციის მოთხოვნა უცვლელია და ის ვადამდელ არჩევნებსა და პოლიტპატიმრების გათავისუფლებას მოიცავს:

"სხვა რაიმე დეტალს ვერ გეტყვით, სანამ არ ვნახავთ დოკუმენტს და იმას თუ რა არის დოკუმენტში ასახული. მე შემიძლია დავადასტურო, რომ პოლიტიკური პატიმრების გათავისუფლების თემის გარეშე და ვადამდელ არჩევნებთან მისასვლელი გზის შესახებ შეთანხმების გარეშე, ფართო პოლიტიკური შეთანხმების მიღწევა შეუძლებელი იქნება" - განაცხადა სამადაშვილმა.